"Closed For Maintenance"-síðan óvirkin beint fyri upplatingartíð
Heimasíðan Closed For Maintenance 2020 hjá Visit Faroe Islands, gjørdist knappliga óvirkin beint fyri kl. 15.00 í dag, júst sum hon skuldi latast upp fyri tilmeldingum.
Á heimasíðuni hjá Visit Faroe Islands stendur, at heimasíðan, har vitjandi skuldu kunna melda seg til Closed For Maintenance-tiltakið komandi ár, knappliga gjørdist óvirkin - júst, sum heimasíðan skuldi gerast virkin.
Í eini viðmerking á Facebook, hevur miðlafólk hjá Visit Faroe Islands svarað eini viðmerking soleiðis:
- Vit, og skipanin hjá okkum vóru annars væl fyrireikaði, men onkursvegna kláraði skipanin ikki stóra trýstið av øllum teimum nógvu vitjandi. Vit biða um umbering.
Visit Faroe Islands biður fólk bera yvir við teimum, og gera eina nýggja roynd at lata upp fyri tilmeldingum í morgin. Tey biða fólk at fylgja við, um nakað nýtt er at frætta, á ymsu sosialumiðlunum hjá teimum, millum annað á Facebook og Instagram.
Visit Faroe Islands skriva at enda, at tey eisini hava okkurt heilt nýtt at kunngera í morgin.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur