Astri Luihn, listakvinna og tónlistafrøðingur, hevur listprýtt nýggja Musikkskúlan við Landavegin. Talan er um fleiri spennandi listaverk, ið taka støði í tónleiki og tónleikasøgu.

Í Føroyum hevur kvøðing og kvæðaskriving staðið við gjøgnum miðøld og upp til okkara tíð. Tí eru myndir av fuglum eitt nú í økinum »í Gjónni«, tí fuglamyndir eru ofta at síggja í kvæðunum.

Brynhildartáttur er eisini umboðaður, tí ein mynd av Brynhild er at síggja.

Nýggjari tónleikur er eisini at finna í Gjónni, tí her sæst eisini føroysk tónlistasøga frá trúbótini til nútíðina. Her kunnu vitjandi eitt nú síggja málmbólkin Týr og brot úr sangi hjá Alex Bærendsen.

Á vindeygunum við høvuðsinngongdina og við bakinngongdina eru eisini listaverk umframt onnur støð í nýggja skúlanum til tónleikafrálæru.

Øll eru vælkomin at leggja leiðina framvið nýggja tónlistaskúlan við Landavegin og skoða verkini, sum listakvinnan og tónlistafrøðingurin, Astri Luihn, hevur evnað til.

Fleiri myndir av listaverkunum í nýggja skúlanum eru at síggja á Facebook hjá Tórshavnar kommunu.