Fyrispurningur um innkomuvegin í Runavík
Fyrispurningur um Fjørðuvegin í Runavík og trupulleikar við ferðslu tá Skálafjarðar-tunnlin letur upp fyri almennari ferðslu, settur landsstýrismanninum í samferðslumálum. Jørgin Niclasen (at svara skrivliga eftir TS § 52a)
- Hevur landsstýrismaðurin ætlanir um at leggja málið: løgtingsmál nr. 142/2018: Uppskot til løgtingslóg um nýggjan Fjøruveg í Runavík fram á Ting av nýggjum?
- Um ikki, hvussu ætlar landstýrismaðurin at loysa avbjóðingina við innkomuvegnum í Runavík.
- Hvussu nógvan pening ætlar landstýrismaðurin at seta av til verkætlanina á fíggjarlógini 2020 og tey næstu árini?
- Hvat metir landstýrismaðurin at samlaði kostnaðurin verður fyri landskassan av samlaðu verkætlanini?
- Ætlar landstýrismaðurin at líkastilla komunurnar báðumegin tunnilsmunnarnar viðv. almenna partinum?
- Nær kann hugsast at arbeiði byrjar?
Viðmerkingar:
Landsstýrismaðurin í samferðslumálum í undanfarnu samgongu, dagfestur og undirskrivar uppskotið, løgtingsmál nr. 142/2018: Uppskot til løgtingslóg um nýggjan Fjøruveg í Runavík, tann 28. februar 2019, og leggur máli fyri Tingi.
Uppskotið verður viðgjørd á tingfundi hósdagin 14. mars 2019. Uppskotið kom ikki aftur úr nevnd, og fall tí burtur.
Um talan er um tilætla drál er ikki til at vita, men á heimasíðuni hjá Løgtinginum stendur: “Málið fall burtur sambært stýriskipanarlógini § 15, stk. 3, tí málið ikki var liðugt viðgjørt tá tingsetan endaði”. Málið er blivið viðgjørt, saman við avvarðandi pørtum, á fíggjarnevndarfundum hósdagin 21 mars, og týsdagin 9 apríl.
Allir partar eru væl og virðiliga kunnaðir um at málið hevur serstakan skund.
Ferðslan í Runavík og har um leiðir er nógv vaksin seinastu árini. Í 2020 letur Eysturoyartunnlin upp fyri ferðslu, sum merkir, at Runavík verður ein av høvuðsfarleiðunum landsins.
Um ruðuleiki ikki skal valda í ferðsluni frá Skálafjarðartunlinum er neyðugt at arbeiði uppá vegagerðina byrjar alt fyri eitt.
Hetta er orsøkin til omanfyri standandi fyrispurningar.
Á Løgtingi, tann 14. november 2019
Terje B. Vestergaard,
løgtingsmaður
Mest lisið í farnu viku
Samband
Heygsvegur 8
490 Strendur