Barna- og Ungdómspanel stovnað á altjóða barnarættindadegnum
"Skal okkara land teljast millum heimsins bestu lond hjá okkum børnum og ungum at vaksa upp í, er neyðugt at tryggja, at vit øll, børn og ung, trívast og hava holla vitan um okkara rættindi. Hetta so at vit kunnu gera okkum dælt av okkara rættindum, og eru ílatin til at taka lut í avgerðum, ið hava ávirkan á okkum." Soleiðis stendur at lesa á heimasíðuni hjá Barnabata í dag.
Barnabati hevur í dag, á 30 ára føðingardegnum hjá ST Barnarættindasáttmálanum, lagt síðstu hond á tilmæli, ið nú er sent til UNICEF í Danmark.
Í januar 2020 fer Barnabati til FN-Býin í Keypmannahavn, har tey saman við børnum frá øllum Norðanlondum, íroknað Álandi, Grønlandi og Svalbard, fara at orða eitt felags tilmæli til Norðurlendsku politikararnar.
Í dag Barna- og Ungdómspanelið hjá Barnabata samstundis eisini stovnað. Endamálið við Barna og Ungdóms-panelinum er at varpa ljós á rættindini hjá børnum í Føroyum. Tað fara tey at gera við eitt nú at savna vitan frá børnum og ungum um viðurskifti hjá teimum, viðgera hesi, og kunna tey, sum hava ávirkan á landsins lógir, um hesi viðurskifti. Eisini ynskja Barnabati, at Barna- og ungdómspanelið fær høvi at viðgera hoyringarskriv í samband við lógaruppskot og lógarbroytingar, ið viðkoma børnum og ungum.
Vegna Barnabata, og Barna- og Ungdómspanelið:
Billa W. Jákupsdóttir, Brima Sólstein, Guðrin D. Bjørk, Gylta D. á Neystabø, Jóhan B. Mortensen, Julia S. Samuelsen, Rakul T. Rúnadóttir, Sofía Heðinsdóttir og Sveinur Áslaksson.
Mest lisið í farnu viku
Samband
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Nýggjastu tíðindi
