Avdúkað ólógligt krabba-netverk í Finnmarkini í Noregi
Norska løgreglan og ØkoKrim, sum er serdeildin innan fíggjarlig lógarbrot, boða frá, at tey í felag hava avdúkað eitt netverk, sum hevur veitt og selt kongakrabba fyri fleiri milliónir krónur. Fleiri fólk eru ákærd í málinum.
Tíggjutals fólk eru handtikin og ákærd. Løgreglan boðar frá, at hesin ólógligi umsetningurin skal hava gingið fyri seg leingi.
- Hetta er eitt álvarsamt mál. Hetta er grovt organiserað umhvørvisbrotsverk, og tað er samstundis eisini grovt fíggjarligt bortsverk, sigur lákærin, Are Aarhus í Finnmarkini.
Saman við Økokrim, sum er serdeildin innan fíggjarlig lógarbrot í Noregi, vil løgreglan vera við, at tey hava avdúkað eitt revsivert netverk sum hevur veitt og selt kongakrabba - ólógliga.
- Løgreglan hevur arbeitt við at avdúka og kortleggja netverkið yvir longri tíð, sigur Are Aarhus.
Á tíðindafundi í dag, mikudag, varð sagt, at fólk eru handtikin nógva staðni í landinum hesa vikuna. Tað var eitt samskipað átak. Millum annað norska bjargingartænastan, matvørueftirlitið og norska fiskivinnustovan vóru við í átakinum.
Og tíggjutals fólk eru altso handtikin og ákærd fyri skipað brotsmannavirksemi.
Kelda: NRK
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur