“Tíðindini um, at eg eri deyður, eru nógv yvirdrivin,” skrivaði Mark Twain, amerikanska rithøvundin, tá hann kom aftur til USA av so drúgvari uttanlands-ferð, at miðlarnir høvdu prentað minningarorð um teirra gitna landsmann.

Muhammadu Buhari, forseti í Nigeria, mátti endurtaka gitnu orð Mark Twains, tá hann kom heimaftur eftir mánaðir í Bretlandi til viðgerð fyri krabbamein.

Nigerianar eru við at sissast aftur, eftir at teir fram móti ársloki vóru farnir at halda, at Buhari forseti var deyður í Bretlandi av sjúkunu, og at stjórnin hevði funnið ein tvífara í Sudan, Jubril av navni,sum andstøðan tvíhelt um.

“Hetta eri hin veruligi eg, tað lovi eg tykkum,” segði Muhammadu Buhari í stats-SV. “Eg fylli 76 nú, og eg føli meg frískan og sterkan til at halda fram.”

Andøvsløtan hevur ikki frætt, um 200 mió mest fátækir nigerianar fegnaðust ella harmaðust at skula hava sama Buhari til forseta valskeiðið út.