Um journalistisku bókina “SVIK”
Á Bókadøgum í Norðurlandahúsinum síðsta vikuskifti tosaði miðlaáhugaði bloggarin, Birgir Kruse, við Jan Lamhauge, sum júst er útkomin við bókini “SVIK”.
Teir tosa um Kringvarpið og hvussu tíðindaleiðarin, Liljan Weihe, varð koyrd úr starvið í samband við arbeiðið at lýsa skattamálið hjá Eik og leiklutin hjá Taks.
Jan Lamhauge tosar m.a. um tørvin á, at bankar verða kristiskt viðgjørdir og um at hann kennir seg illa viðfarnan av kringvarpinum. Hann sigur seg sakna, at føroyskir journalistar fordjupa seg í mál.
Jan Lamhauge hevur verið burturstaddur í Svøríki eina tíð. Har hevur hann lisið investigative journalism. Bókin “SVIK” er ein liður í útbúgvingini. Hon er høvuðsritgerð hjá Jan Lamhauge.
Tú kanst hoyra samrøðuna millum Birgir Kruse og Jan Lamahuge umvegis facebook síðuna hjá SVIK.
Mest lisið í farnu viku
Samband
Heygsvegur 8
490 Strendur