Í lestrarárinum 2017-18, also í fjør, vóru 106.000 kinesisk lesandi á bretskum universitetum. Í verandi lestraári, 2019-20, er talið á kinverjum á hægri bretskum læristovnum økt við 32%. Sostatt táttar talið á kineskum studentum í Bretlandi tætt í 140.000. Hesi tíðindi ber The Guardian.

Ein fyrimunur hjá kinverjum, ið lesa uttan fyri Kina, er, at tey læra seg heimsmálið enskt. Tað kemur væl við seinni, tá ein hugsar um, hvussu Kina sýgur vitan og upplýsingar um vesturlendskt tøkni o.t. í seg við njósning í ídnaði, tøkni og vísindum. Kina hevur farnu 40 árini ment seg við stuldri av patentum og brotum á øllum WHO og altjóða gjaldoyra og handilsreglum.

Tað er nógv bíligari hjá kinesarum at nema lærdóm, vitan og førleika, samstundis sum tey læra seg heimsmálið enskt í Bretlandi, Australia, Nýsælandi og Kanada enn á teim dýru amerikansku universitetunum.