Málið snýr seg um danska listamannin, Tal R, sum hevur vunnið sakina móti teimum báðum føroyingunum, Dann Thorleifsson og Arne Leivsgarð, sum ætlaðu at klippa ein málning hjá Tal R í smá stykkir, og síðani brúka smáu stykkini í urskivum í nýggjum armbondsurum, sum teir ætla at framleiða. Men føroyingarnir hava sum sagt fingið forboð frá danska statinum at fremja ætlanirnar í verki.

Tað eru fimm ár síðani, at Thorleifsson og Leivsgarð stovnaðu ura-fyritøkuna, Kankse. Teir keyptu litfagra málningin "Paris Chic" hjá Tal R, sum alt málið snýr seg um, í august. Fyritøkan hjá teimum báðum keypti málningin fyri 70.000 pund, sum svarar til einar 600.000 danskar krónur, í Voctoria Miro Gallarínum í London.

Her er leinkjan, um tú ynskir at lesa greinina: Greinin í The Guardian 2. desember 2019