FNU og Fuglafrøðifelagið fingið stuðul frá donskum grunni
Føroya Náttúru- og Umhvørvisfelag (FNU) og Fuglafrøðifelagið hava fingið fíggjarligan stuðul frá einum donskum grunni, sum eitur Aage V. Jensens Fonde, til at seta ein løntan samskipara/skrivara at arbeiða fyri FNU ein dag um vikuna, og Fuglafrøðifelagið ein dag um vikuna, í fimm ár. FNU hevur í fleiri førum seinastu árini søkt almannan føroyskan stuðul fyri at kunna seta eitt lønt starvsfólk, men tað hevur ikki borið til.
Okkara ætlan og vón við starvinum er, at vit fáa møguleika at fara í dýpdina við ymsum evnum innan umhvørvi, og at felagið megnar betur at umboða sínar limir kring Føroyar, sum vísa á inntriv í náttúruni. Sum heild ynskja vit, at náttúruvernd og umhvørvi framyvir skulu fáa hægri raðfesting politiskt. Vit vóna sjálvandi eisini, at tað gerst meiri spennandi at gerast virkin og vera við til at skipa fyri tiltøkum, mótmælum, túrum ella øðrum, sum áhugi er fyri, skrivar FNU á heimasíðu síni.
Samstarvið við Fuglafrøðifelagið um eina felags skrivstovu ger eisini, at feløgini kunnu arbeiða saman um felags áhugamál.
FNU vil eisini heita á øll, sum hava áhuga í hesum starvi, at senda eina umsókn, ella at preia fólk, sum høvdu hóskað seg til starvið.
Starvslýsingin sæst her: https://www.als.fo/storv/fyrisiting-og-taenastur/samskipari-til-natturu-og-umhvorvisfelog/
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur