Mangt bendir á, at vit vesturlendingar hava mist sjálvsálit, sjálvsvirði og enntá viljan til at varðveita okkara siðmentan og viljan at yvirliva sum lond og fólk. Hetta hendir, hóast eingin mentan hevur gjørt meiri til at loysa mannaættina úr teim fjøtrum, sum síðan søgunar morgun hevur bundið fjøldina, 99% av okkum í fátækradømi, til nú.

Á amerikanskum universitetum er mest brúkta rakstrarrópið “Hey hey, ho ho. Western culture has to go.” Argast at hata alt, sum hevur borið mannaættina fram og upp á verandi livistøði eru vinstrahall, ung, ið njóta størsta forrætt til eitt gott og sorgleyst lív við ríkiligum tímiligum og andligum ágóðum.

Á universitetum í USA sleppa konservativ fólk ikki at undirvísa. Professarar og tey í fyrisiting eru 90-95% democrats (vinstrahall) og 5-10% republikansk. Fyrilestrar hjá innbodnum konservativum verða avbrotnir av mótmælisfólki.

Evropa er lítið mætari. Ráðandi stættin, tað alment lønta úrvalsliðið, er besett av listum og lótum til at fylla okkara heimspart við útlendingum, ið hata okkum.

Hvar í eitt nú Asia, Afrika ella Latínamerika finnur tú ein Mozart, Bethoven, Van Gogh, Beatles, Da Vinci, Platon, Shakespeare, Steinbeck, Goethe, Dostojevski ella tey ótaldu vísindafólkini, sum hava vunnið virðislønir Nobels á øllum økjum?

Nú ‘blackmaila’ hovríkir Kina-kommunistar heimsins fólk og lond og hótta við devli og dølgi, um vit ikki lata okkum mutra til at leggja leinkjurnar úr Beijing um okkara egnu føtur og hendur, so teir kunnu keypa øll heimsins fólk at halda sum trælir.

Las ein lista yvir átrúnarbýtið av móttakarum av Nobel-virðislønum síðan byrjan fyri góðari øld síðan. Býtið var hetta:
Kristnir vinnarar av Nobel 65% (vit telja bert 20% av heimsins fólkum),
Jødar 21% Nobel-vinnarar (umboða bert 0,2% av heiminum),
Atheistar/Agnostikarar 7% av Nobel-virðislønum,
Islamar bert 0,8% (umboða 25% av heimsins fólkum),
Buddistar 0,7% (535 mió. fólk),
Hindu 0,7% Nobel (1 mia. fólk).

Hví fáa kinesarar ongar Nobel-virðislønir? Er tað ikki tí, teir stjala øll patent og uppfinningar og kopiera tey betur fyri hungursløn enn vit framleiða originalarnar?

Vestanlond verða yvirrend av nassarum úr øllum heimsins niðurundirkomnum heraðshornum, sum hata vesturlendingar, tí vit eitast vera ‘ónd’.

Argast til at niðra fólk við jødisk-kristnari trúgv og mentan eru tó nú okkara egnu vinstrahallu, ið ikki helma í, fyrrenn Vestanlond ganga undir í tilflytarum sum  yvirfyltir bjargingarflakar av heimsins søkkandi skútum.