Altjóða Antidoping-stovnurin, Wada, útihýsir Russlandi frá øllum altjóða ítróttatiltøkum í fýra ár. Tað skrivar Danmarks Radio beint nú.

Sostatt missir Russland møguleikan at vera við í Olympisku Leikunum í 2020 - og somuleiðis í Vetrar-OL í 2022.

Tað gjørdist greitt í september í ár, at russiski antidoping-stovnurin hevði snýtt og manipulera við antidoping-upplýsingum. Tað er beinleiðis grundin til, at russar verða útihýstir frá øllum ítróttatiltøkum næstu fýra árini.

Sambært The Inside Games var avgerðina at útihýsa Russlandi einmælt samtykt.