Ferðafólk horvin eftir at gosfjall á Nýsælandi fór at goysa
Ferðafólk vóru ávarað um, at gosfjallið á White Island í Nýsælandi kundi fara at goysa. Og nú eru fleiri ferðafólk saknað. Onkur skal eisini vera deyður av gosinum, siga myndugleikarnir.
Gosið á White Island, sum liggur 50 kilometrar norðanfyri Norðuroynna á Nýsælandi, fór at goysa um 2-tíðina lokala tíð í gjár. Leitað verður nú eftir 27 fólkum.
Myndugleikarnir royna at sleppa út á oynna fyri at bjarga ferðafólkum, sum framvegis eru har, men bjargingararbeiðið verður mett at vera trupult.
Sambært “New Zealand Herald” sæst, at fólk koma í land av gos-oynni – nærum huld í øsku. Ein tyrla, sum stóð tætt við gosfjallið á oynni, sær út at vera illa farin, og hon er mestsum grivin í øsku.
Reuters skrivaði fyri løtu síðani, at í minsta lagi 5 fólk eru deyð, og 20 eru løstað.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur