Sørvágs kommuna letur 397 húski fáa áhugaverda skipasøgu í jólagávu
Sørvágs kommuna samtykti á fundi 11. desember at keypa eitt eintak av bókini um søguna hjá Vesturvón til hvørt húski í kommununi. Tað er Jan Erik Simonsen, sum hevur skrivað bókina, sum hevur heitið "Vesturvón - tí tað skal vera ein vón fyri vestan", ið er 681 síður.
Søgan hjá partafelagnum Vesturvón verður lýst og línubáturin, sum var fyrsti Vesturvón, verður umrøddur stutt, og síðan kemur tann Vesturvón, sum bókin er um: Bókin er skift sundur í tríggjar høvuðspartar. Fyrsti partur er tann søguliga gongdin hjá reiðaravirki og skipi. Annar partur er samrøður við menn, ið sigldu við og øll hagtøl hjá Vesturvón frá 1969 til 1986. Triði og seinasti partur er tíðin í Hull, hareftir ránsveiðan og tann seinasta jagstranin eftir skipinum, sum at enda søkkur.
Sørvágs kommuna fevnir um Sørvág, Bø, Gásadal og Mykines. 1. desember 2018 búðu 1.202 fólk í kommununi, sum eru skift á 397 húski.
Mest lisið í farnu viku
Samband
Heygsvegur 8
490 Strendur