Maldivurnar og Obama eru góð prógv ímóti nýggjari syndaflóð
Tey góðvarnu fólkini, sum trúgva klimabluffarum og ræðast tað, teir ávara ímóti, kunnu sova trygt, m.a. tí at havið ikki hækkar so skjótt sum hildið.
Oyggjaflokkurin Maldivurnar í Indiska havi er sjálvstøðugt land, til ummáls um 300 km2, t.e. á stødd sum Eysturoyggin. 400.000 muslimar búgva har.
Oyggjarnar eru eitt yndað ferðamál og veðrið um 30 hitastig summar og vetur.
Serligan áhuga hava oyggjarnar fingið í okkara veðurlagsøru ‘Global Warming’ tíðum, tí Maldivurnar liggja (hava altíð ligið) so lágt í sjónum, at tær røkka bert 60 m upp um havskorpuna í miðal (sum Danmark og Holland).
Tí hava Maldivurnar fingið ta serliga støðu millum klimaterroristar, at tær eru útvaldar bæði myndaliga og í verki til skjótt at fara undir í sjógvi.
Tjóðartingsvali var í fjør, eftir at farna stjórnin lat oyggjarnar koma í botnleysa skuld av at játta Kina at gera flogvøll, brúgvar og vegir í oyggjunum.
Kina hevur brúkt sama mynstur í Maldivunum sum í flestu øðrum oyggjum í Kyrrahavi og flestu londum í Afrika: Sett hesi smáu og summi enntá stóru lond í botnleysa skuld til Kina, sum so bara yvirtekur, eigur, hesar smástatir.
Maldiviska BTÚ-ið er $ 5 mia (=35 mia dkr), næstan 2 x tað føroyska.
Óvist er, hvussu stór rokningin frá Beijing er fyri kinesiska arbeiðið og skuldin hjá Maldivunum til Kina. Nakað rívilig man hon vera, tí sjálvur Xi Jin-peng hevur vitjað oyggjarnar. Tað ljóðar, hon er $ 3 mia (= 40% av teirra BTÚ, svarandi til uml 10 mia kr føroyskar). Kina ræðist ikki, at alt fer undir vatn.
Eitt annað gott tekin um, at havskorpan ikki hækkar so nógv, sum veðurlags-vargar hótta við, er hetta: Hussein og Michelle Obama hava júst keypt eina borg fyri $15 mió á feriuhálvoynni Martha’s Vinyard norðan fyri New York.
Nýggja ognin hjá sosialistinum Obama liggur 50 metrar frá sjóvarmálanum í uml. 5 metra hædd yvir vatnskorpuni. Tá fyrrv. forsetin ikki ræðist, at høvini hækka skjótari, enn tey hava gjørt farnu 15.000 árini (síðan síðstu ístíð), nevniliga 1,5 mm um árið (= 1,5 cm hvørji 10 ár = 1,5 metur hvørja øld).
Altso kunnu vit við góðari samvitsku sova trygt fyri komandi syndaflóð.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur