Konglig familjugøla í Dubai um eina prinsessu
Kongsfamiljuni í Dubai tørvar ikki eina gølu, skrivar Le Figaro í París. Í fjør var familjuumdømið hjá Mohammed bin Rashid al-Maktoum, sjeiki og kongi í Dubai, umframt at hann er forsætisráðharri í UAE.
Orsøkin var, at dóttir hansara, Latifa prinsessa (33 ár), segði alment fyri heimsmiðlunum, at pápin hevði givið boð um, at hon varð revsað og pínd.
Mohammed kongur misti fyri tíð síðan tamarhald á dótrini, sum gjørdi familjuni fyri skommum, serliga tá hon rýmdi í einum stuttleikabáti úr Dubai til India.
Út fyri indisku strondini hevði pápin skipað fyri, at indiska løgreglan møtti skemtisnekkjuni og tók manningina og dótrina fanga. Latifa varð send heimaftur við politifylgi og skutilsveinum pápans til Dubai, har lítið og einki er frætt um hana síðan. Helst situr hon í húsavarðhaldi eftir muslimskum siði.
Mamma gentuna, Haya prinsessa, ið er hin vakrasta og máttmesta av teimum 6 konum Mohammeds kong, hevur sagt alment, at dóttirin er ein “truplað ung kvinna, ið tørvar sálarfrøðiliga umsorgan.”
Ikki nóg mikið við hesum, tí sjálvt muslimar uppliva, at ‘har ein skriða er lopin, er onnur væntandi.”
Rokið um Latifu prinsessu hevði ikki lagt seg, tá tíðindi bórust, at nú er Haya, yndiskona kongs og prinsessumóðirin, flýdd til London, eftir at hon hevði lært veruleikan um, hvussu maður hennara og pápi Latifu, hevur pínt gentuna.
Kongliga familjugølan kundi neyvan rakt kongshúsið og Dubai meiri óheppið, ikki bert tí at oljugoymslurnar hjá Dubai eru við at tømast, og at landsins tí vøkkulti búskapur rekur túsundtals útlendingar úr oljustatinum.
Myndugleikarnir í Dubai, ið einki annað bein hevur at standa á búskaparliga enn olju og tí er ein tóm skel, ræðast, at USA skal velja sær annan sameindan í Persiaflógva, nú Iran ger seg til álop á smálond í Flógvanum, tí USA hevur boykottað prestastýrda Sharia-statinum við 80 mió íbúgvum.
Ringast er, at Dubai hevur mutrað seg til at verða vertsland fyri World Expo 2020. Av gøluni væntast færri útlendsk vitjandi á Heimsframsýningini 2020.
Mest lisið í farnu viku
Samband
Heygsvegur 8
490 Strendur