Árið ið fór á R7.fo * Februar. Markið millum abort og deyðføðing er sett til 22 vikur
Greinin stóð á R7.fo, tann 15. februar 2019.
Hevur týdning fyri ymisk praktiskt viðurskifti og fyri rættindini hjá mammuni.
Nær er talan um eina føðing og nær er talan um abort?
Landsstýrið boðar nú frá, at markið er sett til tá barnið er 22 vikur gamalt. Tað stendur í Sundhedslógini, sum varð sett í gildi fyri Føroyar á heysti í fjør.
Tað hava annars verið ivamál um markið í Føroyum er 22 ella 28 vikur, og tí kunnar Heilsu- og innlendismálaráðið nú um, at lógin sum varð sett í gildi tann 1. september 2018 ásetir, at markið er 22 vikur.
“Tað hevur týdning at hava eitt fast mark fyri, nær talan er um ein abort ella eitt deyðføtt barn,” sigur Heilsu- og Innlendimálaráðið.
“Um børn verða fødd eftir at 22. vika er farin aftur um bak - uttan mun til um tað er deyðføtt ella ikki - er talan um eitt barn, sum t.d. skal jarðast og skrivast í kirkjubókina, umframt at faðirskapur skal staðfestast. Eisini verður barnið partur av burðarhagtølunum og líksýn skal fremjast,” sigur ráðið. Markið hevur eisini týdning fyri rættindini hjá kvinnuni aftaná føðing, til dømis í sambandi við barsislfarloyvi.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur