Tað hendir, samstundis sum spenningurin í økinum er vaksin, nú USA hevur tikið lívið av iranska generalinum, Suleimani.

Tað segði bretski uttanríkisráðharrin, Ben Wallace, leygardagin, sambært Politiken.

- Bretska stjórnin fer at taka øll neyðug stig til tess at verja skip okkara og borgarar okkara hesa tíðina, segði Ben Wallace sambært AP-tíðindastovuni.

Samstundis herdi uttanríkisráðharrin leygardagin vegleiðingarnar fyri at ferðast í Miðeystri.

Hormuz-sundið verður mett sum týdningarmesta farleiðin sum heild, tá olja skal flytast. Og Iran hevur útnevnt júst Hormuz-sundið sum eitt stað, har til ber at raka USA sum hevnd fyri drápið á Qassem Soleimani.

Iran liggur á norðurhálvuni av Hormuz-sundinum, sum er einasta farleið fyri skip í Persaflógvanum til umheimin. Ein triðingur av heimsins olju, sum verður flutt við skipi, fer gjøgnum Hormuz-sundið.