Pensjónsnýskipan: Mótrokning millum hjún strikað í 2020
Nú vit eru komin inn í 2020 eru seinastu broytingarnar við pensjónsnýskipanini hjá undanfarnu samgongu settar í gildi.
Hetta merkir, at tey, sum vóru pensjónistar áðrenn 1. januar í ár, nú kunnu søkja um at strika mótrokning millum hjún. Tað vil siga, at pensjónin hjá øðrum hjúnafelagnum ikki verður ávirkað av, um hin hjúnafelagin hevur eina inntøku. Mótrokning millum hjún verður strikað av sær sjálvum fyri tey, sum gerast pensjónistar í 2020 og frameftir. Tað skrivar Javnaðarflokkurin á sisiala miðlinum Facebook.
Undanfarna samgonga setti í gildi eina pensjónsnýskipan, sum hevði til endamáls at tryggja hægri pensjón til pensjónistar við lágari og miðal inntøku, at styrkja haldførið og framtíðartryggja vælferðarsamfelagið og gera tað meira lønandi at arbeiða eftir pensjónsaldur, skrivar Javnaðarflokkurin.
Til ber at seta seg í samband við Almannaverkið og hoyra nærri um nýggjastu broytingina viðvíkjandi mótrokning millum hjún ella at rokna pensjónina út her.
Mest lisið í farnu viku
Samband
Heygsvegur 8
490 Strendur