Ein fýra daga arbeiðsvika ella ein arbeiðsdagur, sum er seks tímar. Tað verður kanska ein veruleiki í framtíðini. Tað segði nýggi forsætisráðharrin í Finnlandi, Sanna Marin, á sosiala miðlinum Twitter beint fyri nýggjár. 

Sanna Marin, sum er 34 ára gomul og næst yngsti stjórnarleiðari í heiminum, heldur, at brúk er fyri at tosa meira um arbeiðstíðir. Hon vísur á, at ein styttri arbeiðsvika hevði gjørt at verkafólk fingu meira tíð saman við familjum teirra. 

"Eg haldi at fólk hava uppiborið at hava meira tíð saman við familju, teirra elskaðu, teirra ítriv og øðrum síðum av lívinum, sum t.d. mentan," sigur Sanna Marin sambært bretskum avísum. 

Sanna Marin hevur sjálv eitt barn. Hon er leiðari fyri sitandi samgongu í Finnlandi. Fimm flokkar eru í hesu samgongu og allir hava kvinnuligar flokksformenn. 

"Hetta kann blíva næsta stig sum skal takast á arbeiðsmarknaðinum," sigur finski forsætisráðharrin, sum vísur á, at ein styttri arbeiðsvika økjur um framleiðsluna og íløguna frá einstaka verkafólki. 

Í novembur mánaða stytti Microsoft Japan arbeiðsvikuna ein dag, tá tey valdu at leingja vikuskiftið upp í trýggjar dagar. Hetta hevur økt framleiðsluna 39.9 prosent.

Les meira í leinkjuni her.