Innrás av skarvi í Klaksvík - VIDEO og myndir:
Ein leyslig meting er, at bara hasir, sum sita har eta fyri á leið 7-10 milliónir krónur um árið, sigur kendur skipari í Klaksvík..
- Eg tók hasar myndirnar á middegi í gjár. Eingin, sum eg havi tosað við, hevur upplivað hettar áður. Eg havi kannað eitt sindur, hvat teir eta. Ein leyslig meting er, at bara hasir, sum sita har eta fyri á leið 7-10 milliónir um árið. Tað virðið hevði hasin fiskurin havt, tá hann skuldi verði fiskaður.
Tað sigur Hjalti Poulsen, sum er skipari á Ågot.
Hann leggur afturat:
- Eingin reagerer uppá hattar. Undarligt, har átti ein kanning at verði sett í verk.
Vit spurdu Hjalta, hvussu tað ber til, at skarvurin er so innarliga á vágni.
- Tað er tí, at teir hava, jagstrað allan seiðin, sum skuldi svomið frítt framvið kaikantinum, inn undir bátabrúgvarnar, sigur hann.
Hann hevur eisini eitt boð uppá, hví seiðurin nú er undir bátabúgvunum. Eg havi eygleitt seiðin har og sæð, hvussu skarvurin jagstrað hann. Undir brúgvunum hevur seiðurin møguleika at krógva seg ímillum bátarnar, men tann møguleikan hevði seiðurin ikki havt, um hann svam framvið einum sløttum kaikanti, sigur Hjalti Poulsen at enda við R7.fo
Myndirnar og video eigur Hjalti Poulsen, skipari í Klaksvík.
Hygg her eftir VIDEO hjá Hjalti:
Norðlysið hevði eisini myndir og skrivaði eisini um hendingina 30.12 .2019
Les her https://nordlysid.fo/tidindi/63162/enn-fjolgast-skarvurin-a-vagni
Mest lisið í farnu viku
Samband
Heygsvegur 8
490 Strendur