Grønlendski heilsumálaráðharrin á almennari vitjan
Grønlendska landsstýriskvinnan, Martha Abelsen, hevur verið á almennari vitjan hjá Kaj Leo Holm Johannsen, landsstýrismanni í heilsumálum. Martha Abelsen er komin til Føroyar at kunna seg um føroysk viðurskifti og fyri at fáa íblástur til tiltøk á heilsuøkinum í Grønlandi. Tað skrivar Heilsumálaráðið á heimasíðu síni.
Á fundinum hava tey bæði tosað um avbjóðingarnar, sum heilsuverkini í Føroyum og Grønlandi hava, og tey hava umrøtt, hvørjir møguleikar eru fyri samstarvi landanna millum. Kaj Leo Holm Johannesen og Martha Abelsen tosaðu m.a. um sjúklingahotellini í Keypmannahavn. Økta talið á sjúklingum, sum verða sendir av landinum í viðgerð, hevur við sær stórt trýst á sjúklingahotellunum. Tey eru samd um, at hetta er eitt øki, sum ber til at samstarva meira um í framtíðini.
Eftir fundin vitjaðu Kaj Leo Holm Johannesen og Martha Abelsen á Landssjúkrahúsinum og á Barna- og ungdómspsykiatrisku deild.
Í Grønlandi fara tey í næstum undir at byggja nýggjan Psykiatriskan depil og landsstýriskvinnan vísti stóran áhuga fyri, hvussu føroyingar hava valt at skapa umstøðurnar kring sjúklingarnar og starvsfólkini. Tað skrivar Landssjúkrahúsið á sosiala miðlinum Facebook.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur