Nám og Amnesty bjóða skúlanæmingum fyrilestur um hópdráp
Undir heitinum “Ongantíð aftur” bjóða Nám og Amnesty International Føroyar í januar og februar í ár skúlunum ein dupulttíma við fyrilestrum um Holocaust og fólkadráp. 14. januar 2020. Tað skrivar Skúlablaðið.
Málbólkurin er hádeild, tað er frá 7. flokki til og við 10. flokk. Innihaldið er fyrst fyrilestur við Rólandi og Elsu í Skorini, sum bæði fara at tosa um Holocaust. Í seinnu hálvu fer Heini í Skorini at tosa um fólkadráp í nýggjari tíð og um mannarættindi.
Orsøkin til fyrilesturin er, at liðin eru 75 ár síðan týningarlegurnar Auschwitz-Birkenau vórðu fríaðar, og í ár er fyrstu ferð, at altjóða dagur til minnis um Holocaust verður hildin í Føroyum. Tað verður 27. januar, soleiðis sum Føroya løgting hevur samtykt. Álagt er Námi at skipa dagin, sum verður hildin um hetta mundið á hvørjum ári, skrivar Skúlablaðið.
Skúlarnir kunnu melda til hjá Námi í seinasta lagi fríggjadagin 17. januar, skrivar Skúlablaðið.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur