Burðartalið í Kina tað lægsta í 70 ár
Burðartalið í Kina er tað lægsta síðan Kinesiska Fólkalýðveldið varð skipað fyri 70 árum síðani. Og tað er tað hóast eitt-barnspolitikkurin er strikaður.
Burðartalið var 10,48 fyri hvørji túsund fólk í 2019 - tað lægsta síðani 1949, boðar Kinesiska hagstovan frá.
Í Kina býr 1,4 milliard fólk, og burðartalið lækkaði heilt niður í 14,65 milliónir síðsta ár.
Burðartalið hevur verið støðugt lækkandi seinastu árini, sum er ørkymlandi fyri næststørsta búskapin í heiminum.
Minkandi talið av føddum og lækkandi talið av deyðum merkir í høvuðsheitum, at færri fólk í arbeiðsførum aldri eru at ansa nógvu eldri fólkunum í landinum.
Í 1979 varð eitt-barns-politikkurin settur í verk fyri at seinka fólkavøkstrinum í Kina. Men eitt-barnspolitikkurin hevur síðani - millum annað fingið skyldina fyri, at serstakliga stórur munur er á talinum á kvinnum og monnum. Í 2019 vóru 30 milliónir fleiri menn enn kvinnur í Kina.
Mest lisið í farnu viku
Samband
Heygsvegur 8
490 Strendur