Góðar tíðir í Danmark, men tó fleiri arbeiðsleysir akademikarar
Danski prof Jørgen S. Dich (Den herskende klasse) skrivaði beinrakið í 1970-árunum um vaksandi talið á fólki í hægri útbúgving, sum øll høvdu til felags, at tey royndu og - við sama lag royna - at flýggja frá handligum arbeiði.
Nú boðaði danski frílynti ganskarastovnurin í búskapar- og samfelagsmálum CEPOS frá, at nærum 3. hvør nýútbúgvin akademikari hevur einki arbeiði.
Hóast góðar tíðir og yvirhøvur minkandi arbeiðsloysi í Danmark, so er hitt øvugta galdandi fyri ung fólk, ið nýliga hava fingið sær hægri útbúgving.
Talið á akademikarum, sum ganga fyri einki, er hækkað úr 4.000 upp í 6.000 fólk í besta arbeiðsaldri stutta tíðarskeiðið frá 2013 til 2019.
Um 30% av nýklaktum akademikarum høvdu heldur einki arbeiði í 2013, og lutfallið er óbroytt hitt sama, 30%, skrivar CEPOS. Altso ov nógvir kandidatar á hægri læristovnum, og ov lítil eftirspurningum eftir teirra vitan og førleika.
Hetta er ein sjálvmótsøgn, tí arbeiði sum heild skortar ikki, skrivar CEPOS. Tí skjýtur stovnurin upp, at arbeiðsloysisstuðulin hjá hesum starvsbólki eigur at verða lækkaður, so tað loysti seg minni fíggjarliga hjá teimum við longst bókligari útbúgving at ganga við løn fyri einki at gera.
-------
Danmark er eyðvitað einki undantak, tá um ónýtiligar akademikarar ræður.
Í USA, áðrenn búskapurin fór at vaksa aftur undir Donald Trump (10 mió nýggj arbeiðspláss síðan 2017), arbeiddu 15.000 PhD-arar á vertshúsum, barrum og í matstovum. Í USA mugu hesi fólk arbeiða okkurt fyri at liva.
Men hvat skal ein vænta, tá gløggastu høvdini í áravís lesa óbrúkilig fak á hægri lærustovnum og har koma sær í botnleysa skuld. Eingin eftirspurningur er eftir fólki í besta aldri, sum í árvís hava lisið fak sum lespiskan skaldskap í 18. øld, um trupulleikar hjá samkyndum ísbjarnum at nørast í Global Warming (annars er ísbjarnastovnurin nørdur úr 5.000 upp í 25.000 ísbjarnir síðan 1970), um femin(az)ismu, kvinnugransking, lekidóm fyri sosialt skelkað ríkmannabørn, um sosialismu av alskyns slag ella kynsskifti hjá smábørnum.
Mest lisið í farnu viku
Samband
Heygsvegur 8
490 Strendur