Framstig fyri saudiskar kvinnur: Nú fáa tær SMS-boð um hjúnaskilnað
Tað gongur smátt framá við rættindum hja saudiskum kvinnum.
Úr Riyadh frættist, at kvinnur í Saudi Arabia nú fáa SMS-boð um, at tær ikki longur eru giftar, tí menninir hava tikið avgerð um hjúnaskilnað.
Tað er rætturin, har skilnaðurin verður lýstur, ið syrgir fyri, at tær fráskildu fáa boðini um hendingina.
Sum nakað nýtt sleppa kvinnur nú eisini at logga inn á teldusíðuna hjá løgmálaráðnum fyri at fáa atgongd til lógarskjølini viðv. hjúnaskilnaðinum.
Hetta verður mett framstig fyri kvinnurættindi í hesum muslimska landi, tí fyrr høvdu menn ikki skyldu at boða konunum frá teirra nýggju støðu sum stakar.
At konan ikki fyrrenn nú visti betur, enn at hon var fíggjarliga trygg í hjúnalag, gjørdi tað lættari hjá monnum at sleppa sær undan at rinda uppihaldspening fyri fráskilda konu og børn.
Nú hava teir hesa skyldu. Tað er væl eitt slag av framstigi fyri kvinnurættin.
Líður, meðan skríður í tilafturskomnum muslimsku londum heimsins.
Mest lisið í farnu viku
Samband
Heygsvegur 8
490 Strendur