Tað er fyrstu ferð, at The New York Times velur tvey valevni, í staðin fyri bara tað eina í tílíkari oddagrein. Tað vanliga hevði verið, at tíðindablaðið valdi eitt valevni, sum hevur ein siðbundnan hátt at leiða amerikonsku tjóðina frameftir.

Men tað metir redaksjónin handan oddagreina ikki bera til at gera í hesum døgum. Ikki tí virðini, sum The New York Times stendur fyri eru broytt, men tí blaðið metir at almennu stovnarnar, sum hava verið álitið, eru vorðnir ov veikir og óálítandi.

Í oddagreinini metir The New York Times bæði radikalu og realistisku modellina vera haldbarar loysnir, og sigur, "...at um tíðin nakrantíð er at vera opin fyri nýggjum hugskotum, so er hon beint nú. Um tíðin nakrantíð er at sóknast eftir støðufesti, so er hon beint nú.”

Tí er tað, at NYT tekur undir við tveimum demokratiskum forsetavalevnum; einum fyri radikalu og einum fyri realistisku modellina. Og tær eru sum nevnt Elizabeth Warren og Amy Klobuchar.

Senatorurin, Bernie Sanders, verður annars eisini nevndur sum eitt gott valevni. Hann hevur arbeitt fyri síni sak í fleiri áratíggju. Men at Sanders nú er vorðin 79 ára gamal og hevði ein hjartatilburð í heyst - umframt at hann breggjar sær av at vera kompromisleysur, ger støðuna hjá honum óvissa.

Har metir NYT Elizabeth Warren vera betra valevnið fyri vinstravongin í demokratiska flokkinum.

Hesi valevni vera eisini nevnd: 77 ára gamli multimillarderurin og borgarstjórin í New York tríggjar setur, Michael Bloomberg. Og somuleiðis 77 ára gamli fyrrverandi amerikanski varaforsetin, Joe Biden. 

Men lukku tíð - sambært NYT - er Amy Klobuchar traðkað til, og umboðar miðjuna í demokratiska flokkinum. Tað, at hon bara er 59 ára gomul - í mun til fleiri av hinum valevnunum, sum eru í 70-unum, gevur henni ein stóran fyrimun.

Nøkur av málunum hjá Klobuchar eru at seta pening í grøna orku, og minka um alt útlát. Ætlanin er, at USA onki eykað útlát hevur í 2050. Hon ynskir eisini at minka barnafátækradømi í helvt upp á 10 ár, og hevur virkað eina gjøgnumførda ætlan at hjálpa fólki, ið stríðast við misnýtslu, umframt at hjálpa fólki við sálarligari sjúku.

The New York Times endar oddagreinina við at ynskja bestu kvinnuni sigurin.