Sjóhiti leggjast til kommunalar bygningar í Leirvík
Í longri tíð hevur verið arbeitt við eini sjóhita-verkætlan í Leirvík. Nú verður av álvara farið í gongd.
Eysturkommuna hevur samtykt at fara undir at veita fjarhita til kommunalu bygningarnar í Leirvík, sum liggja frá skúlanum/Giljagarði og inn til Miðstøðina hjá Nánd.
Verkætlanin er skipað soleiðis, at tað seinni verður møguligt hjá allari bygdini at knýta í hana, um áhugi er fyri tí.
Hetta sæst á heimasíðuni hjá Eystur-kommunu, sum endurgevur skriv, sum Fríðfinnur Johnsson og Jákup Tróndheim vegna stigtakararnar hava sent út til húsarhald í Leirvík.
Kanningar vísa, at hendan orkuskipan er umleið 10% bíligari enn oljufýringar, samstundis sum hon dálkar nógv minni.
Ein sjóhitaskipan veitir tveir triðingar av hitanum úr sjónum, meðan ein triðingur er el-orka. Í dag er helvtin av el-orkuni, sum SEV framleiðir, grøn – frá vatn og vindi. Sostatt verða umleið 70% av hitanum frá eini sjóhitaskipan frá grønari og varandi orku.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur