Sjúka noyðir milliónir í karantenu í Kina
Nærum 20 milliónir fólk eru í karantenu í fleiri kinesiskum býum. Heimsheilsustovnurin ivast í, um ein sovorðin stongsul er nóg mikið at steðga ókenda coronaviruinum.
NRK skrivar í dag, at øll almenn ferðsla til kinesiska milliónbýin, Wutan, har 11 milliónir fólk búgva, er steðgað. Býurin er settur í karantenu ella sóttreinsan, tí heilsustarvsfólk meta, at nýggja coronavirusið stavar úr júst hesum býnum.
Ein kvinna sigur við AFP-tíðindastovuna, at hon ætlaði at fara úr býnum við bili sínum, men varðhaldsfólk á motorvegnum forðaðu henni.
Aðrir býrir eru eisini stongdir, og tokferðslan nærindis Wutan er steðgað.
Vit kenna tað sum um heimurin er við at ganga undir, siga íbúgvar í Wutan, sambært Danmarks Radio.
Higartil verður mett, at 600 fólk eru smittað og 17 fólk eru deyð av corona-virusinum.
Mest lisið í farnu viku
Samband
Heygsvegur 8
490 Strendur