Nýggj dátuverndarlóg send í Rættarnevndina
Í gjár var nýggja dátuverndarlógin viðgjørd í Løgtinginum.
“Tað er sera týdningarmikið, at vit í Føroyum hava lógir og reglur, sum liva upp til altjóða krøv, tí vit bæði virka og samskifta í einum talgildum altjóða samfelagi.
Nýggja lógin kemur í tøkum tíma, tí gamla lógin er skjótt 20 ára gomul, og hon stavar frá tíðini, áðrenn internetið var ein samanrunnin partur av gerandisdegnum hjá vanliga føroyinginum,” sigur Bárður á Steig Nielsen, løgmaður, sum eisini varðar av løgmálum í landsstýrinum.
Í 2018 setti ES í gildið eina nýggja fyriskipan um dátuvernd. Hon verður rópt Genereral Data Protection Regulation – GDPR.
Við nýggju føroysku dátuverndarlógini leggja Føroyar seg upp at ES-fyriskipanini GDPR, sum er vorðin altjóða standardurin í dátuvernd.
Eftir fyrstu viðgerð er nýggja dátuverndarlógin farin í Løgtingsins rættarnevnd.
Mest lisið í farnu viku
Samband
Heygsvegur 8
490 Strendur