Hesa vikuna fáa fyrsta árs næmingar á yrkis- og miðnámsskúlum í Føroyum seksualundirvísing. Í hesum sambandi verður eisini eitt tiltak fyri fakfólk, foreldrum og avvarðandi.

Evnið á tiltakinum, sum verður í Perluni hóskvøldið 6. februar er, hvussu tosa vit við okkara ungu um seksualtitet? Tiltakið, sum er ókeypis, byrjar kl. 19:30.

Skrá: 

- Úrslit frá serritgerðini “Keldur til seksualvitan hjá føroyskum ungum” - Marin

- Hvat er Kyn, og hvussu hava vit fyrireika okkum til Viku Sex - Marin, Bjørt, Turið

- Undirvísingin í Viku Sex- 2 undirvísarar

- Royna eitt brot av undirvísingini á áhoyrararnar - Undirvísarar

- Eftirmeting - Marin, Bjørt og Turið

- Steðgur - kaffi, te og vatn og okkurt gott afturvið. 

- Spurningar og kjak

Fyriskipararnar vóna við hesum tiltaki, at fáa eitt kjak í lag og møguliga fáa svar uppá, um hetta er ein leistur, sum kann arbeiðast víðari við, soleiðis at øll ung á miðnámi fáa eina slíka undirvísing í framtíðini. Hvat halda fakfólk? hvat halda tey ungu? 

Fyriskiparar eru Apoteksverkið, Amnesty, Fólkaheilsuráðið, Føroya Politi, Gigni og Almannamálaráðið/Sig frá!