Kommunistiska Kina høgt klørnar í oyggjalandið Bougainville
Kommunistiska stjórnin í Beijing keypir sær eitt land fyri og annað eftir við at mutra leiðararnar og síðan at gera íløgur í landið, sum teirra stjórnir ikki klára at gjalda aftur, men enda í eini skuldardeyðsfellu púra undirgivin Kina.
Hetta er skipað kommunistisk imperialisma, og nýggjasta offrið fyri hesi fíggjarligu valdstøku er Bougainville, ein av Solomon oyggjunum í vestara Kyrrahavi tætt við Papua Ný Guinea, sum ikki heilt er hugað at sleppa oynni.
Kinverjar hava dugað so væl at mutra og tøla hesar samoisku myndugleikar at sær, at Beijing hevur korrumperað og eigur nú eina perlurøð av oyggjum heilt úr Suðurkinesiska havinum um Filipsoyggjar niður móti Ný Sælandi.
Devilska ætlanin hjá Kina í krígsførslu móti grannum er at byggja her- og flotastøðir og flogvallir í einum longum geira úr Kina suður niður til Nýsæland.
So er verjufelagskapurin millum Australia, Ný Sæland og USA (ANZUS) kvettur í tvey, so limalandana herskip, flogfør og flutningsskip ikki sleppa at ferðast ímillum tvørtur um Kyrrahav í einum komandi kríggi móti Kina.
Hóast stóran meiriluta fyri loysing er PNG ikki sinnað at sleppa Bougainville.
Tíbetur hevur Donald Trump, amerikanskur forseti, sett Kina nevan fyri nasarnar handilsliga. Beijing sleppur ikki longur at snýta og stjala seg til ta handilskríggið, ið hevur útarmað USA og ríkað Kina upp.
Kina noyðist nú í størri mun at boyggja seg fyri og at halda tær handilsreglur, sum galda øll lond í WTO, sum USA í 2001 hjálpti Kina til at blíva limur í.
‘Ger skálkinum gott, hann lønir tær aftur við háð og spott’ er gamalt. Bretar siga: ‘Put á beggar on a horse, and he will ride you down.’ Kinverska stjórnin er kommunistisk, og kommunistar eru eins og nazistar o.a. fasistar reinir devlar, um teir ikki fáa knívin fyri barkan.
Tað hevur Donald Trump klárað við sínum toll- og handilspolitikki, ið bøtir javnvágina millum USA og Kina. Kina hevur higartil snýtt við sínum gjaldoyra, tollsatsum, stuldri av patentum, ídnaðarnjósning og kopiering av øllum vørum.
Í handilskrígnum móti Kina krevjast aðrir og nýggir bollar á suppuna. Tíbetur rillar kinesiski búskapurin eftir avhølvingina frá Trump, ið verður afturvaldur.
Mest lisið í farnu viku
Samband
Heygsvegur 8
490 Strendur