Starvsmannafelagið tekur pensjónsmálið upp við LÍV
Starvsmannafelagið fer at taka málið um lægri pensjónsútgjald til kvinnur upp við pensjónsfelagið Lív, sum fakfelagið er partaeigari av.
Føroysku pensjónsfeløgini geva sum tey einastu í Norðurlondum framvegis kvinnum lægri mánaðarligt pensjónsútgjald enn monnum. Grundgevingin er tann, at kvinnur sum bólkur í miðal liva longur enn menn. Her er talan um sera ivasama siðvenju, tí hin einstaka kvinnan verður her revsað hvønn mánað, einans tí at hennara bólkur í miðal livir longur enn menn. Hetta samsundis sum, at aðrir bólkar eisini liva longur í miðal, eitt nú fólk við longri útbúgvingum og fólk, sum liva í parlagi/hjúnalagi.
Starvsmannafelagið fegnast um, at røddir í politiska landsslagnum nú siga seg vilja fremja broytingar á økinum við lóg. Eitt nú landsstýriskvinnan í javnstøðumálum, Elsebeth Mercedes Gunnleygsdóttir, sum á tingsins røðarapalli mikudagin 12. februar staðfesti, at hon fór at gera sítt til at vinna kvinnum somu rættindi á pensjónsøkinum, sum menn hava.
Starvsmannafelagið fer at halda lív í málinum, eitt nú gjøgnum limaskap sín í pensjónsfelagnum Lív.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur