Betri Banki broytir rentur og gjøld
Betri Banki ger nú broytingar í rentum og kostnaði. Tað verður gjørt orsakað av lága altjóða rentustøðinum og herdum lógarkrøvum til kapitalin.
Endamálið er at gera ávís útlán meiri kappingarfør og samstundis tillaga raksturin til herdu lógarkrøvini.
Fyri privatkundar merkir hetta, at kundar, sum hava innlán hægri enn 750.000 krónur, fara at gjalda eina rentu á 0,75%. Hetta er tó ikki galdandi fyri pensjónsuppsparingar og uppsparingar hjá børnum og ungum. Rentan á ávísum útlánum hækkar við upp til 0,5%, meðan ávísir privatir kostnaðir hækka.
Bankin lækkar bústaðarrentuna á 1. veðrætti til 2,75%, og orkulán lækka til 2,25%. Tað er í eini roynd at gera tað lagaligari fyri tey, sum vilja læna pengar til bústað og gera íløgur í orkuvinarligar loysnir.
Fyri vinnukundar merkja broytingarnar, at vinnukundar framyvir fara at gjalda 0,75% fyri innlán. Somuleiðis hækka ávísar útlánsrentur við upp til 0,5%, og ávís gjøld hjá vinnukundum hækka somuleiðis.
Allar broytingarnar fáa gildi frá 1. apríl 2020.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur