Orsøkin til ógvusligu mótmælini skal vera tann, at eini følsk boð vórðu send runt, sum skuldu umboða heilsumyndugleikarnar í Ukraina. Í boðunum stóð, at nøkur av fólkunum í bussunum, skuldu vera smittað við vandamikla corona-virusinum.

Hesum vísir heilsumálaráðharrin í Ukraina, Zoryana Skaletska, tó sterkt aftur. Ætlanin er at fólkini, sum hava flogið beinleiðis úr Kina, skulu avbyrgjast í 14 dagar. Hetta er bara fyri at vera á tryggu síðuni. 

Annars eru øll 72 fólkini longu kannað, og váttað frísk. Fyri at prógva, at fólkini eru frísk - og fyri vónandi at gera fólk í økinum róligari, hevur ukrainski heilsumálaráðharrin sett sær fyri, at avbyrgja seg saman við teimum 72 fólkunum næstu 14 dagarnar, og samskifta við starvsfólk gjøgnum Skype á netinum.

Higartil hevur ongin tilburður við coronavirusi verið í Ukraina.