Norski laksaútflutningurin til Kina minkaður 80 prosent
Norski laksaútflutningurin til kina minkaði við 80 prosentum í februar mánað, og orsøkin er koronavirusið. Úrslitið er, at meira laksur er sendur til USA og Taiwan.
Bara 10 tons av laksi vórðu útflutt úr Norra til Kina í viku 5.
Norski miðilin, E24, skrivar, at av tí at meginparturin av norksum laksi, sum verður seldur til Kina, verður etin úti á matstovum, er eftirspurningurin eftir laksi munandi minkaður.
Fyrstu seks vikurnar varð útflutningurin av laksi 31 prosent minni enn somu tí í fjør. Í februar fall útflutningurin so við heili 80 prosentum.
Tað sigur sjómatar-greinarin, Paul T. Aandahl, við E24.
Stóri norski laksaframleiðarin, Mowi, sum selur umleið 20 prosent av árliga marknaðinum í Kina, merkir niðurgongdina í eftirspurninginum serliga nógv. Men Frode Arnsten, stjóri í Mowi sigur, at júst nú er líkt til, at meira verður selt í handlunum, og at kinesarar í staðin velja at eta laksin heima við hús.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur