Samrøða: Jón Hammer um TROM og KYKmyndir
LJÓÐBROT: Tað gongur væl at selja TROM úti í heimi. Týska sjónvarpsrásin ZDF/Arte bílegði herfyri TROM á stóru týsku filmsstevnuni, Berlinale, og føroyska sendirøðin skal eftir ætlan sendast á ZDF/Arte bæði í Týsklandi og í Fraklandi.
TROM er grundað á kendu krimibøkurnar hjá Jógvani Isaksen, sum snúgva seg um journalistin Hannis Martinsson. Tað er Torfinnur Jákupsson, sum eigur hugskotið og hevur skrivað handritið. Sendirøðin verður framleidd av føroyska framleiðslufelagnum, KYKmyndir, við framleiðara Jón Hammer á odda.
Sjálvur hevur Jón Hammer lisið miðlar og samskifiti á Goldsmiths University í London, og verið í læru og síðan arbeitt á danska filmsfelagnum Zentropa í samanlagt seks ár.
- ZDF er nokk tann størsti samstarvspartnarin man kann fáa í Evropa, tí rásin stendur fyri øllum ókeypis sjónvarpi bæði í Fraklandi og Týsklandi - sum eisini eru størstu marknaðirnir og økonomiskt sterkastu londini í Evropa, sigur Jón Hammer.
__________
Trýst á pílin omanfyri fyri at hoyra samrøðuna við Jón Hammer, framleiðara.
Mest lisið í farnu viku
Samband
Heygsvegur 8
490 Strendur