TÍÐINDASKRIV FRÁ HEILSUSKÚLA FØROYA

Ver við í fyrsta flokkinum til NÁMSFRØÐIHJÁLPARA !

Vilt tú vera við til at skriva skúlasøgu, og vera við í fyrsta flokkinum til námsfrøðihjálpara, so er tíð at søkja inn áðrenn 15. mars. 

Í august mánaða í ár byrjar spennandi útbúgving til námsfrøðihjálpara á Heilsuskúla Føroya.

Tað er ikki á hvørjum degi, at nýggjar útbúgvingar byrja í Føroyum, men nú byrjar enn ein yrkisútbúgving fyri føroyingar.

Námsfrøðihjálparaútbúgvingin gevur førleikar at arbeiða við uppgávum innan námsfrøði og umsorgan, á dagstovna- skúla- og almannaøkinum. 

Hetta snýr seg um eina yrkisútbúgving, ið merkir, at ein fær førleikar, at arbeiða við yrkinum eftir lokna útbúgving. 

Útbúgvingin er samstundis ein miðnámsútbúgving, ið liggur eftir fólkaskúlan, og sum vanliga gevur førleikar at útbúgva seg víðari. 

Arbeitt verður í løtuni í Mentamálaráðnum við at skapa møguleikar fyri at lesa víðari í Føroyum, á Setrinum, við námsfrøðihjálparaútbúgvingini. Útbúgvingin svarar til donsku pædagogisk assistent, ið gevur atgongd beinleiðis til námsfrøðing í Danmark. 

Útbúgvingin varir 24 mánaðir og byrjar í august í ár.  

Skift verður ímillum skúlagongd í Suðuroy og starvsvenjing kring landið. 

Ætlanin er, at tey, ið hava viðkomandi arbeiðsroyndir, skulu kunna søkja frítøku fyri partar av starvsvenjingini, sokallaða merit, um tey hava nógvar arbeiðsroyndir á økinum. 

Søkjast kann á heimasíðuni innskriving.fo, sum til vanligar miðnámsskúlar. Byrjað verður eina ferð árliga. 

Freistin at søkja inn á útbúgvingina er 15. mars. 

Heilsuskúlin hevur á heimasíðuni www.heilsuskulin.fo ymiska kunning um útbúgvingina. 

Ver við í fyrsta flokkinum til NÁMSFRØÐIHJÁLPARA 

sum byrjar í august. 

Arbeið við námsfrøði og umsorgan innan dagstovna- skúla og almannaøkið. 

Krav 9. flokkur og eitt ára arbeiðsroyndir ella 10. flokkur. Umsóknarfreist 15. mars.

heilsuskulin.fo