Japan: OL skal haldast sum ætlað í 2020
Skipað verður fyri Olympiskum leikum (OL) fjórða hvørt ár og eftir ætlan skal OL verða í Japan seinni í ár.
Leygardagin segði japanski forsætisráðharrin, Shinzo Abe, at OL verður sum ætlað í Tokyo hóast útbrotið av koronavirus. Í dag skal altjóða olympiski felagskapurin, IOC, hittast at viðgerða málið.
Sambært BBC sigur japanski OL-málaráðharrin, Seiko Hashimoto, at Japan ætlar at skipað fyri OL, at ætlanin er at byrja til ásettu tíð og at hava áskoðarar sum vant.
32. olympisku summarleikirnir byrja eftir ætlan 24. juli, og vara til 9. august.
Eftir ætlan verður byrjað at renna við OL kyndlinum í Fukushima týsdagin 26. mars, men einki hátíðarhald verður í samband við renningina. Hetta fyri at ov nógv fólk ikki verða savnað á einum staðið. Kortini vóna japanar at fólk fara at savnast fram við vegnum, at heilsa kyndlinum tá runnið verður framvið, skrivar BBC.
Í løtuni hava 1400 fólk í Japan koronavirus. Higartil hava 28 japanar latið lív orsaka av korona smittuni.
Mest lisið í farnu viku
Samband
Heygsvegur 8
490 Strendur