Joe Biden vann aftur tríggjar statir í gjár
Enn einferð tók fyrrverandi varaforsetin Joe Biden alt og vann tryggan sigur á Bernie Sanders í trimum statum í gjár.
Val var í teimum trimum statunum: Arizona, Illinois og Florida. Og nú, flestu atkvøðurnar eru taldar, hevur Joe Biden vunnið stórsigur í øllum trimum statunum.
Í størsta statinum, Florida, varð kappast um 219 valfólk og har vann Biden við 62%, Sanders fekk 23% av atkvøðunum. Í Illinois varð kappast um 155 valfólk, og har vann Joe Biden við 59%. Bernie Sanders fekk 36% av atkvøðunum. Og í statinum Arizona vóru 67 valfólk at kappast um. Joe Biden vann við 43%. Bernie Sanders fekk 31% av atkvøðunum.
Takkartalan hjá Joe Biden var merkt av Korona støðuni og varð tí hildin heima hjá honum sjálvum í Vermont.
Nú, áðrenn allar atkvøður eru taldar, hevur Joe Biden 1.147 valfólk og Bernie Sanders hevur 861 valfólk.
Fyri at gerast endaliga forsetisvalevnið hjá demokratunum krevst, at eitt valevni fær í minsta lagi 1991 valfólk.
Komandi týsdag, 24. Mars, stendur val á skránni í statinum Georgia, sum hevur 105 valfólk.
Mest lisið í farnu viku
Samband
Heygsvegur 8
490 Strendur