Kanning í Italia: 99 prosent av teimum deyðu høvdu aðra sjúku, áðrenn tey fingu korona
99 prosent av teimum, sum hava latið lív av koronavirus, høvdu onkra aðra sjúku áðrenn tey vóru smittað. Tað vísur ein kanning frá heilsumyndugleikunum í Italia.
Í síðstu viku kunngjørdi heilsumálaráðið í Italia eina kanning av korona - tá var deyðstalið í Italia 2.500 og 31.500 vóru smittað við koronavirus.
Heilsumálaráðið hevur latið kanna sjúkusøguna hjá 18 prosentum av deyðsoffrunum av korona. Her eru nakrar av niðurstøðunum, sambært Bloomberg:
75 % av offrunum høvdu ov høgt blóðtrýst, 35 prosent høvdu sukursjúku og ein triðingur hevði hjarta trupulleikar. Kanningin vísur, at bara 0.8%, trý av offrunum, høvdu onga sjúku áðrenn tey fingu korona. Miðalaldurin hjá teimum deyðu er 79.5. 17 fólk yngri enn 50 hava latið lív av koronavirus. Øll offrini yngri enn 40 ár, vóru menn við øðrum álvarsomum sjúkum.
Sambært Amerikanska CDC, Centers for Disease Control and Prevention, doyggja árliga 646,000 fólk í heiminum av krími ella influenza. Deyðstalið fyri korona nærkast í skrivandi stund 12,000 deyðsføll í heiminum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur