Átakið “Øll hava rætt til góð barnaár” hjá Bláa Krossi Føroyar bjóðar børnum og ungum, sum hava tørv á hjálp og ráðgeving júst nú, at ringja ella skriva til tey.

- Tit, sum vaksa upp hjá foreldrum, sum sjálvi hava tað trupult. Í hesi støðuni er kanska ongastaðni at fara, har tit kunnu vera tit eina løtu. Møguliga er alt sum tað plagar heima, men tit uppliva nýggjar ella øðrvísi stúranir, skrivar Blái Krossur á sosiala miðlinum Facebook.

Um børn og ung hava tørv á at tosa, so kunnu tey ringja ella skriva til "Øll hava rætt til góð barnaár" á tlf. 77 07 09. Og, eisini er møguleiki at fáa videosamtalur eftir avtalu.

"Øll hava rætt til góð barnaár” er eitt tilboð, ið hjálpir børnum og ungum, ið hava foreldur, sum hava ella hava havt rústrupulleikar. Tað er ein liður í fyribyrgjandi verkætlanini hjá Bláa Krossi Føroya.