Í vikuskiftinum komu 36 læknar og 15 sjúkrarøktarfrøðingar úr Kuba til Lombardy økið í Italia, sum er harðast rakt av koronavirus. Heilsufólkini koma at veita hjálp til hart rakta italska heilsuverkið. 

Síðani kommunistisku kollveltingina í 1959 hevur Kuba havt “ein her av hvítum kitlum”, sum verða sendir til vanlukkuøki. Kubansk heilsufólk vóru m.a. við í stríðnum móti kolera í Haiti og ebola har vesturi í Afrika í 2010. Tað skrivar The New York Times.

Hetta er fyrstu ferð at Kuba sendur síni heilsufólk til eitt ríkt vesturlendskt land. Í samband við koronasmittuna hevur Kuba eisini sent heilsufólk til onnur øki. Til Venesuela, Nikaragua, Suriname, Grenada og Jamaika, at hjálpa í bardaganum móti korona. 

Hetta er medisinskt diplomati sum vinnur Kuba nógvan goodwill kring heimin, skrivar The New York Times.