Í gjár var talið á smittaðum uppi á 140, og í dag er tali komið upp á 144, altso bara fýra fleiri smittað í dag enn í gjár. Hetta merkir, at flata smittukurvan heldur fram, júst soleiðis, sum heilsumyndugleikarnir vilja hava hana at gera.

Landslæknin upplýsir, at úrslitið av teimum hundrað kanningunum, sum vórðu gjørdar í gjár, verða greinað seinni í dag.

Samstundis sum talið á smittaðum er komið upp í 144, er talið á fólkum, sum eru vorðin frísk aftur, komið upp í 54. Hetta talið verður dagført seinni í dag, tí 100 royndir eru eftir at kanna.

Tað vísir seg eisini, at tað eru fleiri kvinnur enn menn, sum lata seg kanna fyri korona. Tað vísa nýggj hagtøl, sum eru tøk á heimasíðuni corona.fo og á heimasíðuni hjá Heilsumálaráðnum.

Hagtølini vísa eisini, at aldursbólkarnir frá 20 til 50 ár eru teir, sum hava kannað seg mest.