Skerd ferðaætlan og tilkallingarskipan á Oyggjaleiðum og Bygdaleiðum frá 2. apríl
2. apríl sigla og koyra ymsar leiðir hjá Strandferðsluni eftir skerdari ferðaætlan og við tilkallingarskipan. Ferðafólk skulu upplýsa navn og telefonnummar, og bíleggjast skal kl. 19 kvøldið fyri fráferð.
Frá 2. til fyribils 14. apríl verður farið til tilkallingarskipan á leið 58, sum er Ritan, 61, sum er Spógvin, og leið 66, sum er Sildberin. Ferðafólk skulu upplýsa navn og telefonnummar, og ferðafólk skulu seta seg á ávíst nummarrað umborð fyri at halda frástøðu, og hervið minka um smittuvandan í sambandi við Covid-19.
Tað ber til at lesa meira um broytingarnar á ferðaætlaninum hjá Rituni, Spógvanum og Sildberanum á heimasíðuni hjá Strandferðsluni, og har finnur tú eisini tilkallingarnummar hjá ymsu leiðunum.
Ferðafólkatølini umborð á Rituni verða harafturat lækkað úr 35 niður á 16. Á Spógvanum og Sildberanum halda ferðafólkatølini áfram at verða skerd niður í ávikavist 4 og 10.
Fastbúgvandi hava framíhjárætt til plássini umborð, men skulu eins og onnur bíleggja pláss frammanundan.
Og 2. apríl byrja Bygdaleiðir at koyra aftur við skerdari ferðaætlan og tilkallingarskipan á ymsum leiðum. Eins og við Oyggjaleiðum skulu ferðafólk bíleggja pláss á ynsktari leið kl. 19 kvøldið fyri fráferð, og navn og telefonnummar skal upplýsast, tá bílagt verður.
Ferðafólkatøl á stórum bussum verða skerd niður í 9 fólk og á minni bussum niður í 3 fólk.
Plássini eru serliga til fólk, sum røkja samfelagsligar kjarnuuppgávur.Leiðirnar, ið verða settar í gongd 2. apríl, eru fylgjandi:
Leið 100, 300, 400, 500, 600, 700 og 701.
Les meira um ferðaætlanirnar hjá Bygdaleiðum á heimasíðuni hjá Strandferðsluni. Har finnur tú eisini tilkallingarnummar hjá ymsu leiðunum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur