Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Beint nú sær ljóst út hjá KBH

Innanlands | 05/04-2020 21:08

Gerandisdagurin á Byggivirkinum KBH er lítið merktur av, at landið liggur hálvavegna lamið orsakað av corona-tiltøkum. Handverkararnir hava úr at gera, og ongi arbeiði eru steðgað upp orsakað av corona, sigur Helgi Johannesen, stjóri í KBH.

Arbeiða næstan sum vanligt
Hjá Byggivirkinum KBH á Toftum koyrir arbeiðið næstan sum vant, men tey hava avbjóðingar við vantandi barnaansing.

Gerandisdagurin á Byggivirkinum KBH er lítið merktur av, at landið liggur hálvavegna lamið orsakað av corona-tiltøkum. Handverkararnir hava úr at gera, og ongi arbeiði eru steðgað upp orsakað av corona, sigur Helgi Johannesen, stjóri í KBH.

Í løtuni byggja tey 18 íbúðir fyri Bústaðir á Toftum, og hava harumframt sjálvi eina íbúðarverkætlan við 16 íbúðum í gongd. KBH útbyggir eisini frítíðarskúlan á Toftum, og so eru tey eisini í gongd við at byggja og umvæla nøkur sethús.

Trupulleikar við barnaansing

Vantandi barnaansing hevur tó darvað nakað. Nøkur starvsfólk hava upplivað, at barnaansingarstovnar nokta at taka ímóti børnunum við teirri grundgeving, at starvið ikki kemur undir serligu undantøkini fyri barnaansing.

Hetta er óheppið, heldur Helgi Johannesen, tí myndugleikarnir hava greitt sagt, at samfelagshjólini skulu koyra.

Trekleikarnir í barnaansingarskipanni hava havt við sær, at okkurt starvsfólk er farið heim burturav, tí viðkomandi ikki fær børnini ansað.

Onnur starvsfólk hava skiftst við makan um at arbeiða annað hvønn dag, men her hava tey rent seg í trupulleikar við ALS-skipanini. Skipanin veitir stuðul, um arbeiðsgevarin hevur sent starvsfólkið heim orsakað av corona, men ikki vegna vantandi barnaansing.

Hetta er óheppið, tí orsøkin til at starvsfólkini ikki fáa arbeitt, er jú vantandi barnaansing, sigur Helgi Johannesen.

Hann heldur, at antin mugu kommunurnar tryggja privatu fyritøkunum ansing, ella má lógin um stuðul úr ALS-skipanini broytast, so at hon eisini fevnir um vantandi barnaansing.

Smittaði gjøgnum sjónvarpið

Í fyrstuni, tá tiltøkini at basa corona vórðu sett í verk, gjørdust fólk heldur ørkymlað og bangin fyri at koma til arbeiðis, sigur Helgi Johannesen. Ja, corona smittaði kanska ringast gjøgnum sjónvarp og útvarp, sigur hann skemtandi.

Nú hava starvsfólkini vant seg við støðuna, og arbeiðsdagurin koyrir næstan sum vanligt.

- Vit eru kanska eini 10-15% verri mannað nú enn vanligt. Og tað er ikki so nógv øðrvísi enn januar mánaði var orsakað av vanligu influensuni. Um onkur av starvsfólkunum verða rakt av corona-sjúku, verður støðan heilt øðrvísi. Men vit hava verið heppin higartil, sigur Helgi Johannesen.

Á byggiplássunum hava tey sett í verk ymisk trygdartiltøk fyri at minka um vandan fyri coronasmittu. Handverkararnir skifta ikki ímillum byggiplássini, og kaffisteðgir verða skipaðir í fleiri støðum og smærri bólkum.

Minnist til smáu fyritøkurnar

Viðvíkjandi einum nýggjum hjálparpakka heldur Helgi Johannesen tað vera umráðandi at minnast til tær heilt smáu fyritøkurnar. Tær sum hava upp til eini fimm starvsfólk. Hesar fyritøkurnar eru viðkvæmar, og eigarararnir ikki altíð nóg væl tryggjaðir móti mótgangi av ymsum slag.

Beint nú sær ljóst út hjá KBH.

- Uppgávurnar eru so mikið langsiktaðar, at fyritøkan er lítið ávirkað. Og so er tað helst ein fyrimunur, at meginparturin er størri verkætlanir. Høvdu vit livað av umvælingum í vanligum sethúsum, hevði ivaleyst nógv verið avlýst av ótta fyri smittu, sigur Helgi Johannesen.

Tað skrivar heimasíðan hjá Vinnuhúsinum.


Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Sjófólk leypa fyri borð av reikferða­skipum
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Samrøða við Hanus Kjølbro - Tekur 1 ár at gerast skip­satstøðari á Sjónámi
Í dag lat Kunningarstovan í Nólsoy upp
Søgan um festið í Oyndarfirði
The Land of Maybe – No More
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Orkuprát um sjóvarfallsorku
Hvagar eru vit á veg?
Djórini skulu hava tað gott
Farmaskip úr Polen álopið í Guineaf­lógvanum
Úr bandasavni­num: Samrøða við Dávur Jacobsen 2. partur
Brasilski forsetin noktar at taka ábyrgd
Arbeiðsvanlukka kravt eitt mannalív
Jens Andreassen settur sum yvirlækni á Lands­sjúkra­húsinum
Samrøða: Theresa Turidardóttir Kreutzmann, um ferðavinnu í Suðuroy
Twitter setir merki á boð frá Donald Trump
Lands­stýris­maðu­rin sett nýtt Fólka­heilsuráð
Ísurin á Norð­póli­num tiðnar skjótari enn væntað
Starvs­fólk hjá Tvøroyrar kommunu heiðrað
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi