Aliøkið A-87 hjá MOWI uttan fyri Haldórsvík er flutt longur norður
Eitt aliøki hjá MOWI uttan fyri Haldórsvík, er nú flutt norðurum bygdina. MOWI metti økið at vera ov lítið, og við at flyta og víðka aliøkið, fær felagið skilabetri rakstur á alifjørðinum.
Á sumri 2013 fekk Mowi eitt nýtt akiøki uttan fyri Haldórsvík. Eftir at hava roynt økið eina tíð, metti Mowi at økið var ov lítið. Økið kundi ikki víðkast orsakað av siglingarleiðum, og tí søkti alifelagið í summar um at sleppa at flyta og víðka aliøkið uttan fyri Haldórsvík.
Umsóknin er gingin á møti, og Mowi hevur fingið loyvi til at flyta aliøkið A-87 longur norður í Sundalagið samstundis sum økið er víðkað nakað. Við hesi broyting væntar Mowi at fáa betri rakstur í Sundalagnum.
Aliøkið A-87 hoyrir til alifjørðin “Sundini norður,” saman við aliøkinum A-32, sum liggur við Fossá - millum Haldórsvík og Langasand.
Aliloyvið hjá Mowi í Sundalagnum norður varð útskrivað 28. februar 2017, og er galdandi til 31. desember 2027.
Mest lisið í farnu viku
Samband
Heygsvegur 8
490 Strendur