Formel 1-liðið hjá Mercedes framleiðir andingartól
Formel 1-liðið Mercedes hevur lagt arbeiðsorkuna um, soleiðis at liðið ikki longur framleiðir kappkoyringarbilar, men í staðin er farin at framleiða andingartól, sum verða nevnd CPAP.
Og bretska heilsuverkið, NHS, hevur bílagt 10.000 av hesum nýggju andingartólunum frá Formel 1-liðnum Mercedes.
Tað eru verkfrøðingar, teknikarar, bilsmiðir og dátagreinarar á Formel 1-liðnum, sum ímeðan allur ítróttur er settur á pausu, hava valt at gera nyttu av síni servitan innan tøkni.
Tað eru fáar vikur síðani at verkætlanin fór í gongd, og fyrsta grundsniðið av smáu CPAP-andingartólunum var klárt. Nú væntar Mercedes at kunna framleiða túsund andingartól um dagin.
CPAP-andingartólini eru framleidd í samstarvi millum verkfrøðingarnar hjá Mercedes, og University College London. Og aftaná fleiri kanningar á sjúkrahúsinum hjá University College London og øðrum sjúkrahúsum, eru andingartólini nú vorðin góðkend.
Enski professarin og læknin á University College London, David Lomas, sigur:
- Tað er framúrskarandi, at tólini longu eru úti á sjúkrahúsunum, bara tvær vikur aftaná fyrsta grundsniðið varð bygt. Hetta vísir, hvat ber til, tá fróðskaparsetur, sjúkrahús og vinnan arbeiða saman fyri tjóðina.
Mest lisið í farnu viku
Samband
Heygsvegur 8
490 Strendur