Gíslar av Maersk-leigaðum skipi latnir leysir
Átta sjófólk, sum vórðu rænd av bingjuskipinum, Tommi Ritscher, 19. apríl, eru nú latin leys aftur. Skipið, sum Maersk leigaði í apríl í fjør, var statt uttanfyri Vesturafrika, tá sjórænarar lupu á tað. Bulgarski skiparin var teirra millum, sum var latin leystur, boðar bulgarski uttanríkisráðharrin frá.
Manningin umborð á Tommi Ritscher var uppá 19, tá sjórænarar lupu á uttanfyri Benin í Vesturafrika, men 11 av manningini sluppu undan sjórænarunum við at læsa seg inni í einum rúmi umborð. Nigeriansk herlið komu teimum til hjálpar stutt eftir.
- Men tað eru bara nakrir fáir dagar síðani, at tey átta sjófólkini vórðu latin leys, upplýsir Transeste Schiffahrt, sum er útgerðarfelag hjá skipinum.
- Læknar hava kannað leyslatnu sjófólkini, og tey hava tað eftir umstøðunum gott, skrivar felagið, sum ikki vil koma nærri inn á, hvussu sjófólkini eru latin leys.
4.957 teu stóra bingjuskipið lá fyri akker, tá tað varð álopið.
Skiparin var einasti bulgarin umborð. Restin av manningini var úr Russlandi, Ukraina og av Filipsoyggjum.
Kelda: TradeWinds og Maritimedanmark
Mest lisið í farnu viku
Samband
Heygsvegur 8
490 Strendur