Granskararnir hava givið 1.542 covid-19-sjúklingum hydroksyklorokin og hava samanborið við 3.132 sjúklingar, sum fingu vanliga viðgerð.

Úrslitini vístu ongan mun á talinum á deyðum ella á longdini á uppihaldinum á sjúkrahúsi. Aftaná 28 dagar vóru 25,7 prosent av sjúklingunum, sum fingu hydroksyklorokin, deyðir. Av teimum, sum ikki fingu hendan heilivágin, vóru 23,5 prosent deyð.

Tað skrivar NRK.

Martin Landrey, professari á Oxford Universitetinum, er púra greiður í sínari niðurstøðu:

- Hetta er ikki nøkur viðgerð fyri covid-19. Heilivágurin riggar ikki. Nú kunnu vit gevast við at brúka heilivág, sum onki nyttar, sigur hann.

Kelda: NRK